काठमाण्डौं — एनसेलले माध्यमिक शिक्षा परीक्षा (SEE) दिएका विद्यार्थीहरूका लागि विशेष अफर ‘पहिलो सिम’ सार्वजनिक गरेको छ। विद्यार्थीहरूलाई सुलभ दरमा सञ्चार र डिजिटल सिकाइको पहुँच पुर्याउने उद्देश्यले कम्पनीले यो अफर ल्याएको हो।
यस योजना अन्तर्गत विद्यार्थीले करसहित मात्र ५० रुपैयाँमा एनसेलको प्रिपेड सिम कार्ड खरिद गर्न सक्नेछन्। सिम लिँदा विद्यार्थीहरूले आफ्नो रुचिअनुसारको मोबाइल नम्बर समेत छनोट गर्न पाउने सुविधा कम्पनीले दिएको छ।
के के छन् सुविधाहरू?
‘पहिलो सिम’ सुचारु गर्दा विद्यार्थीहरूले तत्काल निम्न सुविधाहरू प्राप्त गर्नेछन्:
- डाटा र टक टाइम: २ जीबी डाटा र सबै नेटवर्कमा कल गर्न मिल्ने ५० मिनेट टक टाइम।
- डिजिटल लर्निङ: २८ दिनका लागि ‘मेरो स्कुल’ (डिजिटल लर्निङ प्लेटफर्म) मा निःशुल्क पहुँच जहाँ पाठ्यक्रममा आधारित भिडिओ सामग्रीहरू उपलब्ध छन्।
- गेमिङ: ‘गेमिङ् प्रिमियर लिग’ (GPL) पोर्टलमा २८ दिनसम्म निःशुल्क पहुँच।
- खल्तीमा फ्री डाटा: डिजिटल वालेट ‘खल्ती’ प्रयोग गर्दा कुनै डाटा शुल्क लाग्ने छैन।
साथै यो सिम लिएका ग्राहकले ५० रुपैयाँ वा सोभन्दा बढीको प्रत्येक रिचार्जमा ५०० एमबी बोनस डाटा (७ दिनका लागि) समेत प्राप्त गर्ने प्रेस विज्ञप्तिमा उल्लेख छ।
सिम कसरी लिने?
एसईई दिएका विद्यार्थीले देशैभरका कुनै पनि एनसेल सेन्टरबाट यो सिम लिन सक्नेछन्। सिम कार्डका लागि निम्न कागजातहरू आवश्यक पर्नेछ:
१. विद्यार्थीको एसईई प्रवेश पत्र (Admit Card)।
२. आफ्नो आमा वा बुबाको नागरिकताको फोटोकपी।
३. एक प्रति पासपोर्ट साइजको फोटो।
कम्पनीले एसईईपछि खाली समयमा रहेका विद्यार्थीहरूलाई साथीभाइ र परिवारसँग सम्पर्कमा रहन र अनलाइनमार्फत नयाँ कुरा सिक्न यो सिमले मद्दत पुर्याउने विश्वास लिएको छ।
