काठमाण्डौं — सूचना तथा सञ्चार मन्त्रालयले नेपाल दूरसञ्चार प्राधिकरणको सदस्य (कानुन) पदका लागि पुन दरखास्त आह्वान गरेको छ। यसअघि प्रकाशित सूचनाअनुसार पर्याप्त संख्यामा योग्य आवेदन नपरेपछि मन्त्रालयले पुन आवेदन खुला गरेको हो।
मन्त्रालयले प्रकाशित सूचनाअनुसार इच्छुक तथा योग्य नेपाली नागरिकले आगामी असार २८ गते कार्यालय समयभित्र आवेदन दिन सक्नेछन्। यसअघि जेठ २६ गते सूचना प्रकाशित गरी आवेदन माग गरिएको भए पनि अपेक्षित आवेदन नपरेपछि पुन सूचना जारी गरिएको मन्त्रालयले जनाएको छ।
सूचनाअनुसार उक्त पदका लागि आवेदन दिन इच्छुक उम्मेदवारको उमेर कम्तीमा ३० वर्ष पूरा भई ६५ वर्ष ननाघेको हुनुपर्नेछ। साथै सम्बन्धित क्षेत्रमा मान्यता प्राप्त शैक्षिक संस्थाबाट कम्तीमा स्नातक तह वा सो सरहको योग्यता हासिल गरी कम्तीमा सात वर्षको अनुभव भएको हुनुपर्ने व्यवस्था गरिएको छ।
मन्त्रालयका अनुसार आवेदनसँगै नागरिकता वा राहदानीको प्रतिलिपि, व्यक्तिगत विवरण, शैक्षिक योग्यता, अनुभव खुल्ने कागजात, पासपोर्ट साइज फोटो तथा ३ हजारदेखि ५ हजार शब्दको व्यावसायिक कार्ययोजना समेत पेश गर्नुपर्नेछ। आवेदन मन्त्रालयको सिंहदरबारस्थित संस्थान समन्वय शाखामा वा मन्त्रालयको इमेलमार्फत समेत पठाउन सकिने जनाइएको छ।
मन्त्रालयले छनोट प्रक्रिया प्रचलित कानुन तथा सम्बन्धित मापदण्डअनुसार अघि बढाइने जनाएको छ। साथै समयभित्र नपुगेका वा अपूर्ण आवेदनमाथि कुनै कारबाही नगरिने स्पष्ट पारिएको छ।
नेपाल दूरसञ्चार प्राधिकरणको सदस्य… दको लागि पून दरखास्त आह्वान गरिएको सम्बन्धी सूचना
