काठमाण्डौं — दूरसञ्चार सेवा प्रदायक कम्पनी एनसेलले आफ्ना ग्राहकको डिजिटल जीवनशैलीलाई थप सहज बनाउन आकर्षक छुट योजना सार्वजनिक गरेको छ । यस योजना अन्तर्गत एनसेलका ग्राहकले अल्टिमा लाइफस्टाइलका विभिन्न ग्याजेट खरिद गर्दा ६० प्रतिशतसम्मको भारी छुट प्राप्त गर्न सक्नेछन् ।
यस विशेष अफरका लागि एनसेल र स्मार्ट ग्याजेट ब्रान्ड अल्टिमा लाइफस्टाइलबीच व्यावसायिक साझेदारी भएको छ । उक्त साझेदारी पत्रमा एनसेलका चिफ कन्जुमर बिजनेस अफिसर उपांग दत्ता र अल्टिमा लाइफस्टाइलका प्रमुख कार्यकारी अधिकृत (सीईओ) अमित अग्रवालले हस्ताक्षर गरेका छन् ।
कसले पाउँछन् त यो छुट ?
एनसेलका अनुसार रु. ९९ वा सोभन्दा माथिको सक्रिय डेटा, भ्वाइस वा कम्बो प्याक प्रयोग गरिरहेका प्रिपेड ग्राहकहरू यो अफरका लागि योग्य हुनेछन् । त्यसैगरी रेन्टल प्लान सक्रिय रहेका पोस्टपेड ग्राहकले पनि यो सुविधाको लाभ लिन पाउनेछन् ।
यस अफर मार्फत ग्राहकले अल्टिमाका साउन्ड बार, स्पिकर, वायरलेस इयरबड, स्मार्टवाच, पावरब्याङ्क लगायतका अत्याधुनिक ग्याजेट निकै सस्तो मूल्यमा किन्न सक्नेछन् । अझ गजबको कुरा त के छ भने यसरी खरिद गरिएका सामान अल्टिमाले नेपालभर डेलिभरी गर्ने व्यवस्था मिलाएको छ ।
कसरी लिने छुटको फाइदा ?
यो छुट अफर पूर्ण रूपमा एनसेल एपमार्फत मात्र सञ्चालनमा ल्याइएको छ । यसको लाभ लिन ग्राहकले आफ्नो स्मार्टफोनमा रहेको एनसेल एप खोली पार्टनर्ड सर्भिसेस (Partnered Services) मा गएर अल्टिमा लाइफस्टाइल छान्नुपर्नेहुन्छ ।
त्यहाँ प्रयोगकर्ताको नाममा दर्ता भएको मोबाइल नम्बरका आधारमा सिस्टमले आफैँ योग्यता जाँच गर्नेछ र ग्राहकले एपमै छुटपछिको अन्तिम मूल्य (तिर्नुपर्ने रकम) देख्न सक्नेछन् ।
यस सहकार्यबारे बोल्दै एनसेलका चिफ कन्जुमर बिजनेस अफिसर उपाङ्ग दत्ताले भने, “हाम्रा ग्राहकलाई अल्टिमा ग्याजेटहरूमा ६० प्रतिशतसम्म छुट प्रदान गर्ने योजना ल्याउन पाउँदा हामी निकै उत्साहित छौँ । अल्टिमा लाइफस्टाइलसँगको यो सहकार्यले हाम्रा ग्राहकको डिजिटल जीवनशैलीलाई अझ समृद्ध बनाउन मद्दत गर्नेछ भन्ने हाम्रो विश्वास छ ।”
यदि कुनै ग्राहक यो योजनाका लागि तत्काल योग्य छैनन् भने उनीहरूले रु. ९९ वा सोभन्दा बढीको कुनै पनि प्याक खरिद गरी तुरुन्तै यो अफरको फाइदा लिन सक्नेछन् । आफ्नो प्याक वा रेन्टल प्लान सक्रिय रहेसम्म ग्राहकले आफ्नो आवश्यकता अनुसार यो छुट अफर पटक–पटक प्रयोग गर्न पाउने कम्पनीले जनाएको छ ।
